Ingredients :

നുറുക്ക് ഗോതമ്പ് – ഒരു കപ്പ്
തേങ്ങ
ഉപ്പ്
വെള്ളം

Learn How To Make :

ആദ്യം തന്നെ അടി കട്ടിയുള്ള ഒരു പാനിലേക്ക് നുറുക്ക് ഗോതമ്പ് ഇട്ട് നല്ലതുപോലെ ചൂടാക്കി എടുക്കുക. ഇതൊന്ന് ചൂട് മാറി വരുമ്പോൾ ഒരു മിക്സിയുടെ ജാറിൽ ഇട്ട് നല്ലതുപോലെ പൊടിച്ചെടുക്കാവുന്നതാണ്. അതിന് ശേഷം നുറുക്ക് ഗോതമ്പ് കഴുകാനായി ഒരു മിനിറ്റ് നേരം വെള്ളത്തിൽ ഇട്ടു വയ്ക്കണം. നന്നായി കഴുകി വൃത്തിയാക്കിയ നുറുക്ക് ഗോതമ്പിന്റെ പൊടി അരിച്ചെടുത്ത് മാറ്റിവയ്ക്കാവുന്നതാണ്.വെള്ളം മുഴുവനും പോയ ശേഷം ആവശ്യത്തിന് ഉപ്പ് കൂടി ചേർത്ത് പൊടി നല്ലതുപോലെ യോജിപ്പിക്കണം.

ഈയൊരു സമയത്ത് പുട്ട് ആവി കയറ്റാനുള്ള വെള്ളം അടുപ്പത്ത് തിളപ്പിക്കാനായി വയ്ക്കാം. വെള്ളം നന്നായി തിളച്ച് ആവി വന്നു തുങ്ങുമ്പോൾ പുട്ടുകുറ്റിയിലേക്ക് തേങ്ങ, പുട്ടുപൊടി എന്നിവ ഇട്ട് അടച്ചുവെച്ച ശേഷം ആവി കയറ്റി എടുക്കാവുന്നതാണ്. ഏകദേശം ഒരു 10 മിനിറ്റ് നേരം ആവി കയറുമ്പോൾ തന്നെ നല്ല സോഫ്റ്റ് ആയ ഗോതമ്പ് നുറുക്ക് പുട്ട് റെഡിയായിട്ടുണ്ടാകും. സ്ഥിരമായി ഒരേ രീതിയിലുള്ള പുട്ട് തന്നെ ഉണ്ടാക്കി മടുത്ത വർക്ക് തീർച്ചയായും ഈ ഒരു രീതി പരീക്ഷിച്ചു നോക്കാവുന്നതാണ്. സാധാരണ പുട്ട് ഉണ്ടാക്കുന്ന അതേസമയം കൊണ്ട് ഈ ഒരു പുട്ടും തയ്യാറാക്കി എടുക്കാവുന്നതാണ്.